كفاح حتي النجاح | مجمع نيوز
اخر الاخبار
recent

كفاح حتي النجاح

كفاح حتي النجاح

كفاح حتي النجاح

   - توماس اديسون اتطرد من المدرسه الابتدائيه لان ناظر المدرسه لقاه بليد و بعتوا لامه خطاب ان ابنها فاشل و تم طرده ، قررت امه انها تعلمه في البيت ، اديسون كان بيسال اسئله كتير اللي فسرها مدير المدرسه انها دليل علي غباؤه لكن اثبت عكس كده خالص ،، اديسون ليه 1093 براءه اختراع مسجله ليه في الولايات المتحده الامريكيه كان اهمها اختراع المصباح الكهربي .

- " كل الشدائد والعقبات التي واجهتها في حياتي زادت من عزيمتي ، قد لا تدرك هذا وقتما تلاقيك المحنة ، و لكن ركلة على أسنانك قد تكون أفضل ما يحصل لك في العالم " والت دزني .
- ليونيل ميسي بدا لعب كوره في نادي مدينه قراندولي ، موهبته شدت انظار نادي ريفر بليت و خلال انتقاله اكتشف الدكاتره انه مصاب بنقص في هرمونات العظام و ده كان السبب ان مسئولين النادي يتراجعوا عن التعاقد معاه ، تكلفه العلاج كانت كبيره والد ميسي تواصل مع قرايبه اللي موجدين في اقليم كتالونيا عشان العمليه وقتها قدم نادي برشلونه انه يتكفل بمصاريف العلاج ، النهارده ميسي اغلي لاعب في العالم و افضل لاعب ف العالم .
- " الموهبة وحدها لا تكفي ، استمر دائما ، فلا يوجد شئ في العالم يمكنه أن يحل محل الإصرار "  راي كروك .
- في طفل اسمه اسلام سنه تقريبا 13 سنه و لكن بحب اقول عليه شاب مش طفل ، اسلام ده رغم ان اهله ناس مرتاحين ماديا و عنده اخوات اكبر منه الا انه بيحب يعتمد علي نفسه دايما في كل عيد اشوفه يروح يشتري العاب للاطفال اللي هو منهم و يفرش بيهم في الشارع و يبيعهم ، و اول ما يشتري الالعاب بيلف علي اطفال المنطقه يعرفهم انه جاب العاب عشان يشتروا منه ، اسلام العيد اللي فات في راجل كبير تقريبا عنده 70 سنه كان هيتعارك مع اسلام و قاله امشي من هنا يلا فسالته عن السبب قالي عشان انا بعت الالعاب اللي كانت معايا كلها .
- " كرهت كل لحظة من التدريب ولكني كنت أقول لا تستسلم اتعب الآن ثم عش بطلا بقية حياتك " محمد علي كلاي .
- مش عيب انك تكافح عشان توصل لهدف ، تكافح عشان نفسك تبقي احسن و توصل لمكان محدش غيرك هيوصله ، صدق نفسك و امن بيها و دايما خلي عندك حافز انك هتوصل متخليش حد يحبطك و كل الكلام السلبي اللي هتسمعه من الناس استخدمه في انك تعمله سلم عشان توصل لاعلي درجه ف النجاح ، اتعب و حاول و افشل مره و اتنين و مليون لحد م توصل و ربنا هيكرمك و هيعوض تعبك و صبرك خير .


Unknown

Unknown

التعليقات
0 التعليقات

ليست هناك تعليقات:

إرسال تعليق

يتم التشغيل بواسطة Blogger.
جاري التحميل