الاهلي و زاناكو "مباراة الحسم" | مجمع نيوز
اخر الاخبار
recent

الاهلي و زاناكو "مباراة الحسم"

الاهلي و زاناكو "مباراة الحسم"

الاهلي و زاناكو "مباراة الحسم"

قبل متكلم عن المباراة خليني اأكد ان الاهلي قدم شوط اول مميز  قدام الوداد كان ينقصه التحول الهجومي السريع الي يضمن للفريق بعض الفرص امام مرمي المنافس..

مع ذلك اللوم الاكبر علي البدري هو عدم وجود خطة بديلة حال انك استقبلت هدف وحبيت تتحول من "ردة فعل" الي "فعل"

نرووح لمبارة اليوم:

ايه المطلوب من الفريق؟!

عشان تحدد دا هتحتاج تعرف ان زاناكو من الفرق الي بتعتمد علي اسلوب لعب مباشر، تحضير طولي في ظل الاعتماد علي مهاجمين عندهم قدرات لابأس بها مثب اللاعب رقم ٧ "ساكالا" اهم لاعب بالفريق واللاعب "رقم ٢٤".

الفريق بيندفع بشكل كبير جدا للامام، الاطراف واخدة حرية خصوصا الجبهة اليمين بقيادة الظهير "رقم ٨" وامام اسرع لاعبي الفريق اللاعب "رقم ١٢".

مش مطلوب من الاهلي انه يضغط من قدام لان الفريق بالفعل بيعتمد علي التحضير الطولي زي ما قلت فوق يعني الكرة بتتنقل بشكل مباشر لوسط ملعبك ومواجهتك من قدام يعني تركك لمساحات هتكون مرهقة عليك.

الاهلي عليه انه يقرب خطوطه ويبدء خط دفاعه من وسط ملعبه، نفس الي عمله قدام الوداد بالشوط الاول بالظبط لكن مع تعديل بسيط فالتحول الهجومي!!

مع فريق بيندفع بالشكل دا مش محتاج اكتر من تحول هجومي سريع فالمرتدات والتقدم بزيادة عددية علي خط دفاع ملئ بالمساحات الي تقدر تستغلها، هتظل مشكلة الفريق في النقطة دي "عبد الله السعيد" !

المستوي الي بيقدمه حاليا عبدالله هيكون زي لوغاريتم بتشكيل الفريق ومخاطرة اعتقد البدري ف غني عنها..طيب الحل؟!

صالح جمعة..ليه صالح؟

لان صالح اسرع من عبدالله وافضل بدنيا، صالح يقدر يمر في واحد علي واحد ويتحرك بالكرة لقدام في ظل مساحات متوقعة من زاناكو .. عكس عبدالله الي بيضطر يحتفظ بالكرة لحين ظهور اقرب زميل له!

كمان صالح عنده ميزة مهمة جدا وهي صانع اللعب المتاخر، صالح يقدر يلعب تمريرات بينية طولية بدقة عالية جدا لو تحرك له احد الاجنحة بشكل جيد ورا خط ضهر الفريق ومؤمن شاطر جدا فالنقطة دي.


اللقطه دي بداية هدف القطن الكاميروني ف زاناكو بزامبيا..هتلاحظ مساحات كبيرة جدا نتيجة اندفاع الفريق هجوميا..قدرتك علي التحول الهجومي واستغلال المساحات والنقص العددي هي كلمة السر في الوصول لمرمي المنافس وتسجيل اهداف.

•تظل ملاحظة دفاعية هامة جدا

علي البدري انه يعي درس الوداد الاخير وعدم اعطاء رقابة "ساكالا" اهم لاعبي زاناكو إلى "حجازي"، ساكالا لاعب سريع متحرك بشكل مزعج عنده بعض المهارات الممزوجه بسرعة تجعله عبء علي حجازي البطئ نوعا ما، اللاعب بينزل لتحت كمان وبيساعد ف عملية التحضير واحيانا بيجي بوشه يعني بسرعته ودا صعب جدا علي اي مدافع ما بالك لو كانت مرونته ضعيفه وسرعاته قليلة!!
اعتقد اعطاء مراقبته لسعد سمير هيكون الاختيار الافضل..

فالنهاية المباراة محتاجة هدوء من البدري قبل اللاعبين..تسيير اللقاء بذكاء وعدم الدخول في احتكاكات بدنية وسرعات غالبا هتكون لصالح المنافس، سرعة التحول الهجومي هتكون الفيصل في حسم اللقاء للاهلي.
مجمع نيوز

مجمع نيوز

التعليقات
0 التعليقات

ليست هناك تعليقات:

إرسال تعليق

يتم التشغيل بواسطة Blogger.
جاري التحميل