نظره على مباراه "الزمالك" و "كابس يونايتد". | مجمع نيوز
اخر الاخبار
recent

نظره على مباراه "الزمالك" و "كابس يونايتد".

نظره على مباراه "الزمالك" و "كابس يونايتد".

نظره على مباراه "الزمالك" و "كابس يونايتد".

بالتأكيد غياب اي لاعب عن فريقه بيؤثر سلبا عليه الا ان غياب باسم وطارق اليوم، قد يساهم في حل جزء كبير من المشاكل الهجومية الي بيعاني منها الفريق..ازاي؟!

تقدر تلخص المشاكل الرئيسية في ٣ نقاط :-

١- احتياج الفريق لمهاجم تارجت يقدر يستلم تحت ضغط ويكسب الكرات الهوائية في ظل اعتمادك علي كرات طولية مباشرة سواء ارضية او هوائية..ودا طبعا مش موجود عند "باسم" في الوقت الي باولو يقدر يقدم اضافة في الدور دا في الكرات الهوائية بالاخص.

٢-البطء فالتحول الهجومي..الكرة بتفضل وقت طويل جدا في وسط ملعل الفريق بسبب اما احتفاظ طارق المبالغ فيه بالكرة او التمرير العرضي السلبي الي بيضيع علي الفريق سرعة التحول من الحاله الدفاعيه الى الهجوميه.

دونجا يقدر يادي الدور دا بشكل افضل مش بس لدقة وسرعة التمرير لكن عنده بعض المهارة الي تخليه حتي يتقدم ويكمل مع الفريق من تحت سواء تمرير او تسديد للمرتدة من الدفاع.

٣- ضعف الترابط بين الخط الامامي بسبب ارتباط الاجنحة باقصي الاطراف والجري بطول الخط..الامر الي بيسبب مسافات كبيرة بين الثلاثي الامامي.

علي ستانلي وشيكابالا بالاخص الدخول للعمق ..كل ما شيكابالا بيدخل للعمق بيشوف الملعب بشكل اوسع ويقدر يرمي بينيات في ظهر الدفاع افضل بمراحل من اللعب على الخط والكسر للداخل وارسال العرضيات الي غالبا بتروح لحارس المرمى طبعا غير انك بتدي مساحة للباك يطلع يتحرك فيها ويلعب عرضيات اكثر فاعلية.

مع ذلك النقطة الاخيرة هيتم حل بعضها في ٤-٣-٣ بزيادة توفيق ومعروف  فالمساحة بين الجناح والمهاجم الامر الي هيشكل كثافة عددية وتقارب افضل فالخط الامامي بجانب استلامهم للتمريرات ف ظهر الدفاع بالطبع.


الزمالك لو عايز يكسب في المباره عنده ٣ حلول هيصنعوله عدد محترم جدا من الفرص باذن الله.

•الضغط العالي:

مع فريق بيصر علي التدرج الارضي بالكرة من خطوطه الخلفية..اي ضغط جماعي هينتج عنه اخطاء دفاعية يقدر يستغلها لاعبي الزمالك في تشكيل خطورة حقيقية علي مرمي كابس.

•اللكرات الثابتة والعرضيات:

مع فريق متواضع جدا فالكرات الثابتة والعاب الهواء بشكل عام تقدر تصنع فرص حقيقية بكثرة العرضيات لمهاجم يجيد ضربات الرأس زي باولو وبجواره لاعب بيقطع بشكل مميز فالمنطقة زي ستانلي.

•الكرات الطولية في عمق الدفاع:

مع دفاع متقدم بيعتمد علي مصيدة التسلل زي دفاع كابس اي كرات طولية خلف الدفاع هتشكل انفرادات صريحة علي مرمي كابس، والزمالك عملها كتير اخرها مباراه بتروجيت.

مش بس كدا..لكن تواجد باولو هيديك افضلية في اي كرة هوائية مرسله من وسط ملعبك، باولو يقدر يستلم ويلف ويسدد زي هدف السالتو في مرمي اليوسما من يومين، او يسند الكرة لستانلي فالمساحة ورا خط الدفاع مع تحرك ستانلي للقطع فالعمق.

قد تكون مباراة اليوم البداية الحقيقية للثنائي "باولو" و "ستانلي" مع الفريق افريقيا..مش هبالغ لو قلت ممكن لاعب فيهم يجيب هدفين بكرة علي الاقل في ظل توقع بصنع عدد كبير من الفرص مع دفاع متواضع كدفاع كابس.

فرصة لاثبات الذات من اللاعبين الي بيعول عليهم المدرب والجماهير بشكل كبير اليوم باذن الله.
Unknown

Unknown

التعليقات
0 التعليقات

ليست هناك تعليقات:

إرسال تعليق

يتم التشغيل بواسطة Blogger.
جاري التحميل