من النظره الاولي | مجمع نيوز
اخر الاخبار
recent

من النظره الاولي

من النظره الاولي

من النظره الاولي


حمزه طالب في كليه اسنان الفرقه الاولي دخل الجامعه و كل فكرته عنها انه هيخلص ثانوي و هيدخل الجامعه يرتاح و تبقي الشله كلها بنات ما هو مفكر نفسه رايح شرم ، كان ليه اتنين صحاب محمد و احمد دخلوا الكليه و مبقاش في دماغهم غير البنات ، كان اللي شاغل صحابه يصاحبوا دي و يهزروا مع غيرها ، بمرور الوقت حمزه فهم ان الكليه مرحله تعب ما بعد الثانويه ، في يوم بالصدفه دخل محمد و احمد المدرج و لقوا حمزه كعادته فيه و قاعد مع الصبيان فقرروا انهم يعرفوه علي بنت ف نادوا عليه ف راح يسلم طبعا علي صحابه و قعد معاهم و في وسط الكلام ، 3 بنات دخلوا المدرج و قعدوا وراهم منهم بنت تقريبا كان محمد و احمد يعرفوها كويس ف سلمت عليهم و من كلامهم عرف حمزه ان اسمها سميه و عرفتهم علي صحباتها امل و ساره و لكن اللي لفت نظر حمزه ان ساره مدتش محمد و احمد اعتبار بعكس امل اللي اندمجت ف الكلام و شرد بذهنه و بدا يفكر هي ليه عملت كده ؟؟ قطع شرود ذهنه و محمد بينادي عليه و بيقوله تعال عايزك طلعوا بره المدرج و قاله انا كلمت سميه عشان تظبطلك مع امل ف طبعا حمزه بكل بلاهه قاله انا ؟!! قاله اه اي المشكله ، قاله ي عم انت فاضي و لا اي انت ش متخيل ان احنا خلاص قربنا علي الميدتيرم ، قاله ميد تيرم تعال بس و انت اتكلم معاها حلو و هنشوف اي هيحصل ،، دخلوا المدرج تاني و محمد يقول لحمزه كل شويه بص ورا ، طبعا يبص ورا بس هو اصلا بيص علي ساره و دماغه فيها الف سؤال البنت دي غير سميه و امل ، و في مره و هو بيبص ساره اخدت بالها انه بيبصلها و في وقتها اترسم علي وشها علامه استفهام و كأن حالها بيقول اكيد كان باصص لامل و هو بيلف عينه جت عادي عليا ، طبعا المحاضره بدات و بعد ما خلصت المحاضره طلع حمزه و صحابه و كمان طلعت سميه و صحباتها ، محمد و احمد وقفوا مع امل و سميه و دار بينهم حوار انتهي بسلام ، طبعا حمزه كان عايز يعرف هما اتكلموا في اي ف ملقاش اجابه لكلامه غير انه يحاول يهزر مع امل و لازم يضحك كل ما يشوفها طبعا هو فهم ان امل مسترخماه جدا ، يومها ودعوا بعض و حمزه شغله موضوع امل اللي صاحبه دبسه و شغله اكتر هي ليه ساره كانت واقفه بعيد عن صحباتها و هي واقفه مع محمد و احمد ، كان عايز باي طريقه يحاول يكلم ساره و يعرف اي حاجه عن امل بس كان دايما مقتنع انها هتصده ، راح تاني يوم الكليه و كالعاده دخل المدرج بس الغريب المره دي
يتبع في حلقات قادمه .


مجمع نيوز

مجمع نيوز

التعليقات
0 التعليقات

ليست هناك تعليقات:

إرسال تعليق

يتم التشغيل بواسطة Blogger.
جاري التحميل